Geleé us rotem Holder heimer bsunders gärn
d’Beeri ärnte hei mer kener chönne Färn
wäg der Corona hei mer müesse Deheime blybe
u dä guet Geleé i ds Chemi schrybe
die grosse Büsch sy inzwüsche überwucheret worde
drum sy si geschter vo mir entrümplet worde
Arbeitshäntsche han i trali halt o vergässe
was wosch, mit Brombeeristude isch nid z gschpasse
z Resultat sy verchratzeti Arme
henu, deswäge tüet mi nid öppe erbarme
Deheime tuet mi d Frou nachem Dusche
kontrolliere gäb Zägge desumehusche
gwüss, zwe het si a mer gfunde
sogar no eine i der Underhose unde
we mi Frou die dert nid gfunde hätt
chamer’s nid vorstelle was das drus gää hätt
henu, die Büsch isch jetzt frei, d Frücht chöi ryffe
we si de nache sy cha me de zuegryffe
aber de faht de die Arbeit erscht richti aa
es wird ploderet, u nachhär uuspresst was i ma
– 15.06.2021 godi Brunner
Vermerk: Autor, Godi Brunner
